Trending:

Dombivli: केडीएमसीकडून चिकन-मटण विक्री बंदीचा निर्णय 15 वर्षांपूर्वीचा, मग आताच विरोध का?

Published by:Sachin S
local18

Last Updated:August 12, 2025 5:40 PM IST

या ठरवाची पत्र न्यूज 18 लोकमतच्या हाती लागली आहे. सदर ठरवात 15 ऑगस्टसह गांधी जयंती, महावीर जयंती, सर्वत्सरी, गणेश चतुर्थी आणि 15 नोव्हेंबर रोजी सुद्धा चिकन मटण विक्रीसाठी बंदी घातली आहे.

कल्याण : कल्याण डोंबिवली महापालिकेने 15 ऑगस्ट अर्थात स्वातंत्र्या दिनाच्या निमित्त कल्याण डोंबिवली महापालिका क्षेत्रात चिकन मटण विक्रीसाठी बंदी घातली आहे. याबाबतच्या नोटीसा महापालिका क्षेत्रातील चिकन आणि मटन विक्रेत्यांना देण्यात आल्या आहेत. आदेशाचे उल्लंघन केल्यास कारवाई करण्याचा इशारा देखील कल्याण डोंबिवली महापालिकेने चिकन मटण विक्रेत्यांना दिला. मात्र, निर्णया विरोधात हिंदू खाटिक समाजाने आक्रमक पवित्र घेतला आहे. पण, हा निर्णय आजचं घेतला नसून तो 10,15 वर्षांपासून महापालिका ही ऑर्डर काढत आली आहे, अशी माहिती समोर आली आहे.

दरम्यान हा ठराव दिनांक 19 डिसेंबर 1988 रोजी तत्कालीन कल्याण महापालिका मंजूर करण्यात आला होता. या ठरवाची पत्र न्यूज 18 लोकमतच्या हाती लागली आहे. सदर ठरवात 15 ऑगस्टसह गांधी जयंती, महावीर जयंती, सर्वत्सरी, गणेश चतुर्थी आणि 15 नोव्हेंबर रोजी सुद्धा चिकन मटण विक्रीसाठी बंदी घातली आहे.

दरम्यान, आता या निर्णयाला स्थानिक स्थरातून विरोध होताना दिसतोय आणि निर्णयाविरोधात हिंदू खाटिक समाजाने आक्रमक पवित्र घेतला असून १४ ऑगस्टपर्यंत निर्णय मागे घेतला नाहीतर १५ ऑगस्ट रोजी सकाळी मुख्यालयासमोर मटणाचे दुकान टाकणार असा इशारा हिंदू खाटीक समाज संघटनेनं केडीएमसी प्रशासनाला दिला आहे. तर काही नागरिकांनी सुद्धा पालिकेच्या काढलेल्या आदेशला विरोध दर्शवला आहे. तर चिकन-मटण विक्रेत्यांना भुर्दंड पडला आहे.

1988 मध्ये काय केला होता ठराव?

दिनांक 19/12/88 रोजी वैद्यकीय आरोग्य अधिकारी यांनी सादर केलेल्या निवेदनाचा विचार करता महाराष्ट्र शासनाच्या नगर विकास खात्याच्या अधिसूचनेनुसार प्राप्त झालेल्या अधिकारानुसार भोसले प्रशासक कल्याण महापालिका कल्याण महाराष्ट्र शासन नगरविकास विभागाचे पत्र क्रमांक जी ई एन /1087/1286/सी आर- 93/87 दि. 22.4.87 मध्ये देण्यात आलेल्या शासनाच्या सल्ल्यानुसार कल्याण महानगरपालिकेच्या क्षेत्रातील सर्व कत्तलखाने (लहान मोठ्या जनावरांचे) वर्षांमध्ये खालील उल्लेख केलेल्या दिवशी बंद ठेवण्यात प्रशासकीय मंजुरी देत आहे.

या दिवशी बंदी..

गांधी जयंती

महावीर जयंती

15 ऑगस्ट

गणेश चतुर्थी

15 नोव्हेंबर

दरम्यान, या निर्णयाला सर्वात पहिले विरोध राष्ट्रवादी शरदचंद्र पवार गटाचे आमदार जितेंद्र आव्हाड यांनी विरोध दर्शवला आणि विविध राजकीय नेत्यांकडून प्रतिक्रिया दिली आहे. शिंदे गटाचे आमदार विश्वनाथ भोईर यांनी निर्णयाला समर्थन दिलं आहे. त्यामुळे आतातरी पालिका हा निर्णय पाठी घेणार का हे पाहावे लागेल.