Gondia News : गोंदियात घराच्या दारातच मृत्यूनं गाठलं! 35 वर्षीय विहितेच्या अचानक जाण्याने खळबळ

अर्जुनी मोरगाव तालुक्यातील बाक्टी येथील रहिवासी कल्पना राऊत ही पती, सासू, सासरा, एक मुलगा, एक मुलगी यांच्यासोबत राहत होती. पहाटे 5 वाजताच्या सुमारास घराच्या दरवाजासमोर ती नित्यनेमाने बसली होती. कल्पनाला याचा अंदाजही नव्हता की आपला काळ आला आहे. घराच्या पडवीत बसलेल्या कल्पनाच्या हाताला अचानक विषारी सापाने चावा घेतला. दरम्यान, कल्पनाने आरडाओरड केल्यानंतर घरातील मंडळी धावून आली. दरम्यान, चावा घेणाऱ्या त्या सापाला पकडून ठेवण्यात आले. विषारी साप असल्याने कल्पनाची प्रकृती खालावली. लगेच तिला अर्जुनी मोरगाव येथील ग्रामीण रुग्णालयात हलविण्यात आले. तेथील डॉक्टरांनी प्राथमिक उपचार करून गोंदियाला हलविले.