Thane Traffic: बाप्पा पावला! गणेशोत्सवात ठाणेकरांची ट्रॅफिक कोंडीतून होणार सुटका, अवजड वाहनांना प्रवेश बंदी

ठाणे : सर्वांच्या लाडक्या गणरायाचं घरोघरी आगमन झालं आहे. 27 ऑगस्ट रोजी गणेश चतुर्थीच्या दिवशी अनेकांनी आपल्या घरी गणपती बाप्पाची प्राणप्रतिष्ठा केली. काहीजण दीड दिवसांचा, काही जण पाच दिवसांचा तर काही जण 10 दिवसांचा गणपती बसवतात. काही ठिकाणी गौरीसोबत सातव्या दिवशीच गणपती विसर्जन केलं जातं. ही बाब लक्षात घेऊन ठाण्यातील वाहतुक व्यवस्थेत मोठे बदल करण्यात आले आहेत. गणेशोत्सवकाळात, विशेषत: विसर्जनाच्या वेळी मोठ्या प्रमाणात वाहतूक कोंडी होण्याची शक्यता आहे. वाहतुकीतील संभाव्य अडचणी टाळण्यासाठी अवजड वाहनांना बंदी घालण्यात आली आहे. ठाण्याचे जिल्हाधिकारी डॉ. श्रीकृष्ण पांचाळ यांनी याबाबत संबंधित अधिकाऱ्यांना मंगळवारी (26 ऑगस्ट) आदेश जारी केले आहेत.