Mumbai News: मुंबईतील 125 वर्षे जुना पूल पाडणार, 10 सप्टेंबरपासून वाहतूक बंद, मनसेचा इशारा

मुंबई: मुंबईतील महत्त्वाच्या शिवडी-वरळी उन्नत मार्ग (अटल सेतू लिंक) प्रकल्पाअंतर्गत प्रभादेवी येथील 125 वर्षांपूर्वी बांधलेला ऐतिहासिक पूल अखेर पाडण्यात येणार आहे. हा पूल मुंबई महानगर प्रदेश विकास प्राधिकरण (एमएमआरडीए) मार्फत तोडण्यात येणार असून त्याजागी नवा, आधुनिक आणि दुहेरी पूल उभारण्यात येणार आहे. या कामासाठी 10 सप्टेंबरच्या रात्रीपासून हा पूल सर्वसामान्य वाहतुकीसाठी बंद करण्यात येणार आहे, अशी माहिती वाहतूक विभागाने दिली आहे.