Jalgaon Accident : जळगावात हिट अँड रनचा थरार! घरासमोर उभ्या 5 महिलांसह 2 चिमुरड्यांना उडवलं; एक ठार

शोभा रमेश पाटील (वय 60) असे मृत महिलेचे नाव आहे. जळगावातील मेहरुण परिसरात अत्यंत अरुंद रस्ता असलेल्या मंगलपुरी भागात आज गुरुवारी सायंकाळी काही महिला गप्पा मारीत आपल्या घरासमोर उभ्या होत्या. तर एक महिला रस्त्यावरुन जात होती. त्याचवेळी सायंकाळी साडेसहा वाजता रामेश्वर कॉलनीकडून एक भरधाव कार (एम.एच.05 ए.एस 0574) रस्त्याने भरधाव आली. (केसीएन) कारवर चालकाचे कुठलेही नियंत्रण नसल्याने कारने घरासमोर उभ्या असलेल्या या महिलांना धडक देत उडविले. ही धडक इतकी भीषण होती की, त्यात दुध घेण्यासाठी जात असलेल्या शोभा रमेश पाटील यांना गंभीर दुखापत होवू त्यांचा जागीच मृत्यू झाला.

दरम्यान, या अपघातातील कारचा चालक पवन कैलास पाटील (वय 25 रा. सप्तशृंगी कॉलनी रामेश्वर कॉलनी मेहरूण जळगाव) हा नवशिक्या असल्याचे समोर आले आहे. अपघात झाल्यावर त्यास पकडून नागरिकांनी जागेवरच चांगला चोप दिला. त्यानंतर त्याला घटनास्थळी आलेल्या एमआयडीसी पोलिसांच्या स्वाधिन करण्यात आले.