मी जातो आहे पण सोडत नाही, जयंत पाटील यांचे निरोपाचे भाषण, टाळ्यांचा कडकडाट, पवारही गहिवरले

मुंबई : माझ्या खांद्यावर पक्षाची जबाबदारी येईल असे वाटले नव्हते पण पवारसाहेबांनी जबाबदारी दिली. सात वर्षात अनेकांनी मला साथ दिली. निवडणूक जिंकलो हरलो. मधल्या काळात पक्ष फुटला होता. पुन्हा पक्षसंघटना उभी केली. आज मी एक पाऊल मागे घेतले आगहे पक्षाच्या अध्यक्षपदाचा राजीनामा देतोय पण उदिष्ट अजूनही ठाम आहे, शाहू फुले आंबेडकरांचा पुरोगामी विचार हाच आमचा ध्यास आहे, असे निरोपाच्या भाषणात जयंत पाटील म्हणाले. तसेच मी जातो आहे पण सोडत नाही, असे म्हणत भाजप प्रवेशाच्या चर्चांना त्यांनी तूर्त पूर्ण विराम दिला. त्यांच्या भाषणादरम्यान राष्ट्रवादीच्या कार्यकर्त्यांनी टाळ्यांचा कडकडाट केला. त्यांचे भाषण ऐकून शरद पवार देखील गहिवरले.