इस्लामपूरच्या राजकारणात जयंत पाटील यांचा 'मास्टर प्लॅन', विरोधकांचा 'करेक्ट कार्यक्रम' होणार? 

इस्लामपूर, सांगली : इस्लामपूरच्या राजकारणात राष्ट्रवादी काँग्रेसचे (शरदचंद्र पवार गट) आमदार जयंत पाटील यांचे नेतृत्व मानणारे खमके स्थानिक नेतृत्व सध्या कमी पडत असल्याचे दिसत आहे. युवा नेतृत्व अजूनही पुढे आलेले नाही, त्यामुळे कार्यकर्त्यांनी हंगामी सूत्रे प्रतीक पाटील यांच्याकडे दिली आहेत. मात्र, केवळ त्यांच्याच सल्ल्यावर पालिका निवडणुकीत यश मिळेल का, याबाबत शंका व्यक्त केली जात आहे. याच पार्श्वभूमीवर, जयंत पाटील यांनी आगामी पालिका निवडणुकीसाठी (Islampur politics) एका नव्या 'सल्ला मंडळाची' स्थापना करण्याचे ठरवले आहे, ज्यात ज्येष्ठ नेत्यांना अग्रस्थान दिले जाणार आहे.