लातूरमध्ये आंदोलनाला हिंसक वळण, अज्ञाताकडून बसवर दगडफेक

लातूर, 3 सप्टेंबर, सचिन सोळुंके : दोन दिवसांपूर्वी मराठा आरक्षणाच्या मागणीसाठी जालन्यात उपोषणाला बसलेल्या आंदोलकांवर लाठीचार्ज करण्यात आला होता. यावरून राज्यात चांगलंच वातावरण तापलं आहे. लातूर जिल्ह्यात या आंदोलनाला हिंसक वळण लागल्याचं पहायला मिळत आहे. शिरुर ताजंब येथे अज्ञात व्यक्तीकडून बसवर दगडफेक करण्यात आली आहे.  या दगडफेकीमध्ये बसची समोरची काच फुटली असून, ही घटना सीसीटीव्हीमध्ये कैद झाली आहे. सीसीटीव्ही फुटेजच्या मदतीनं संबंधित व्यक्तीचा शोध सुरू असल्याची माहिती पोलिसांकडून देण्यात आली आहे.