Trending:

Maharashtra Exit Poll : विदर्भात भाजपला मोठा धक्का; काँग्रेसची जोरदार मुसंडी, कुणाला किती जागा?

Published by:Shreyas

Last Updated:June 02, 2024 4:01 PM IST

Maharashtra Lok Sabha Exit Poll 2024 : लोकसभा निवडणुकीच्या सगळ्या 7 टप्प्यांचं मतदान शनिवारी पार पडलं आहे, यानंतर एक्झिट पोलचे आकडे आले आहेत. मतदान पार पडल्यानंतर भारतातीलं सर्वात मोठ्या न्यूज नेटवर्क म्हणजेच नेटवर्क 18 वर एक्झिट नव्हे एक्झॅक्ट पोल दिला आहे.

नागपूर : लोकसभा निवडणुकीच्या सगळ्या 7 टप्प्यांचं मतदान शनिवारी पार पडलं आहे, यानंतर एक्झिट पोलचे आकडे आले आहेत. मतदान पार पडल्यानंतर भारतातीलं सर्वात मोठ्या न्यूज नेटवर्क म्हणजेच नेटवर्क 18 वर एक्झिट नव्हे एक्झॅक्ट पोल दिला आहे. नेटवर्क 18 च्या एक्झिट पोलनुसार विदर्भातल्या एकूण 10 जागांपैकी 4 ते 6 जागांवर काँग्रेसला तर 4 ते 6 या जागांवर भाजपला यश मिळालं आहे. 2019 लोकसभा निवडणुकीमध्ये काँग्रेसला फक्त एकमेव चंद्रपूरच्या जागेवर विजय मिळाला होता. त्यामुळे काँग्रेसला यंदा 4 ते 6 जागा मिळाल्या तर भाजपसाठी हा मोठा धक्का असेल, कारण विदर्भातल्या 10 पैकी बहुतेक जागांवर भाजप आणि काँग्रेसमध्ये थेट सामना आहे.

इथे पाहा लेटेस्ट Maharashtra Loksabha Exit Poll 2024 Live Updates in Marathi

विदर्भात कुणाचा सामना कुणाशी?

रामटेक - राजू पारवे (शिवसेना) विरुद्ध श्यामकुमार बर्वे (काँग्रेस)

नागपूर - नितीन गडकरी (भाजप) विरुद्ध विकास ठाकरे (काँग्रेस)

भंडारा- गोंदिया - सुनिल मेंढे (भाजप) विरुद्ध प्रशांत पडोळे (काँग्रेस)

गडचिरोली-चिमूर- अशोक नेते (भाजप) विरुद्ध नामदेव किरसान (काँग्रेस)

चंद्रपूर- सुधीर मुनगंटीवार (भाजप) विरुद्ध प्रतिभा धानोरकर ( काँग्रेस)

बुलडाणा- प्रतापराव जाधव (शिवसेना) विरुद्ध नरेंद्र खेडेकर (शिवसेना उबाठा)

अकोला- अनुप धोत्रे (भाजप) विरुद्ध प्रकाश आंबेडकर (वंचित) विरुद्ध अभय पाटील (काँग्रेस)

अमरावती- नवनीत राणा (भाजप) विरुद्ध बळवंत वानखेडे (काँग्रेस)

वर्धा- रामदास तडस (भाजप) विरुद्ध अमर काळे (राष्ट्रवादी शरद पवार)

यवतमाळ - वाशिम- राजश्री पाटील (शिवसेना) विरुद्ध संजय देशमुख (शिवसेना उबाठा)

महाराष्ट्राच्या एक्झिट पोलमध्ये काय?

नेटवर्क 18 च्या एक्झिट पोलनुसार महाराष्ट्रातल्या 48 जागांपैकी 20 ते 22 जागा जिंकत भाजप नंबर एकचा पक्ष राहील, तर शिंदेंच्या शिवसेनेला 11 ते 13 जागा मिळू शकतात आणि अजित पवारांच्या राष्ट्रवादीला 0 ते 1 जागा मिळेल, असा अंदाज आहे. यामुळे महाराष्ट्रात महायुतीला 32 ते 35 जागा मिळण्याचा अंदाज आहे. तर दुसरीकडे महाविकासआघाडीला 15 ते 18 जागा मिळू शकतात. यात काँग्रेसला 6 ते 9, शरद पवारांच्या राष्ट्रवादीला 4 ते 7 तर उद्धव ठाकरेंच्या शिवसेनेला फक्त 3 ते 6 जागा मिळतील, असा अंदाज आहे.

नरेंद्र मोदींची हॅट्रिक

न्यूज 18 च्या या मेगा एक्झिट पोलमध्ये नरेंद्र मोदी हॅट्रिक करताना दिसत आहेत. एनडीएला 543 पैकी 355 ते 370 जागांवर यश मिळताना दिसत आहे. तर इंडिया आघाडीला 125 ते 140 जागांवर समाधान मानावं लागू शकतं. याशिवाय इतर पक्षांना 42 ते 52 जागा मिळण्याचा अंदाज आहे.