Railway Timetable Update: मुंबईची तुंबई, लोकलचा खोळंबा; रेल्वेच्या वेळापत्रकात मोठे बदल, बघा एका क्लिकवर

मुंबई: मुंबई शहर आणि उपनगरांमध्ये गेल्या दोन दिवसांपासून सुरू असलेल्या मुसळधार पावसामुळे जनजीवन विस्कळीत झालं आहे. अनेक ठिकाणी सखल भागात पाणी साचल्याने रस्ते वाहतूक ठप्प झाली असून रेल्वे सेवाही विस्कळीत झाली आहे. पावसाचा जोर इतका जास्त आहे की, अनेक ठिकाणी रेल्वे ट्रॅकवर मोठ्या प्रमाणात पाणी साचलं आहे. त्यामुळे अनेक लोकल रद्द करण्यात आल्या आहेत तर काही लोकल अतिशय धिम्या गतीने धावत आहेत. मुंबईतील पावसाचा परिणाम लांब पल्ल्याच्या गाड्यांवर देखील झाला आहे. लांब पल्ल्याच्या गाड्यांच्या वेळापत्रकात बदल करण्यात आले आहेत.