Mumbai Red Alert: मुंबईवर अस्मानी संकट! शाळा बंद, रस्त्यांवर पाणी, लोकल सेवा विस्कळीत, प्रशासनाचा इशारा

मुंबई: गेल्या दोन-तीन दिवसांपासून मुंबई आणि परिसरात मुसळधार पाऊस सुरू असून परिस्थिती गंभीर झाली आहे. भारतीय हवामान खात्याने मंगळवार, 19 ऑगस्ट 2025 रोजी मुंबई शहर, उपनगर, ठाणे आणि कल्याण-डोंबिवली परिसरासाठी अतिमुसळधार पावसाचा (Red Alert) इशारा दिला आहे. सतत कोसळणाऱ्या पावसामुळे अनेक भाग पाण्याखाली गेले असून रस्ते, रेल्वे आणि शाळा-महाविद्यालयांच्या कामकाजावर परिणाम झाला आहे. आणि त्यामुळेच आज अनेक भागातील वाहतुकीच्या मार्गात बदल करण्यात आले असून रेल्वे रूळावर पाणी साचल्याने रेल्वेच्या वेळेतही बदल झाले आहेत.