Mumbai Rain Update: कोट्यवधी रुपयांचा खर्च अन् 500हून अधिक पंप, तरीही हिंदमाता पाण्याखाली, महापालिका टिकेची धनी

पावसाच्या संततधारेमुळे निचरा वेगाने होण्यात अडचणी निर्माण झाल्या. सोमवारी महानगरपालिकेचे अधिकारी, अभियंते, पंप ऑपरेटर, आरोग्य कर्मचारी आणि आपत्कालीन पथकं परिस्थितीवर लक्ष ठेवून होती. पाण्याचा निचरा वेगाने व्हावा, यासाठी मॅनहोल उघडून पाण्याचा निचरा करण्याचं काम युद्धपातळीवर सुरू होतं. पर्जन्य जलवाहिनी यंत्रणा, सांडपाणी व्यवस्था, सबमर्सिबल केंद्र यांसारख्या महत्त्वाच्या सेवांवर विशेष लक्ष देण्यात आलं होतं. पावसाळी पाणी निचऱ्याच्या कामांमध्ये अडथळा येऊ नये, यासाठी आवश्यक त्या उपाययोजना तातडीने करण्यात आल्या.