गरिबाला गरिब जिल्हाच का? मुंबईत गेल्यावर जाब विचारणार, झिरवळांच्या मनातील खदखद समोर

हिंगोलीचे पालकमंत्री नरहरी झिरवाळ यांनी पालकमंत्री पदावरून एक मिश्किल वक्तव्य केलं आहे. मी पहिल्यांदाच मंत्री झालो आणि पहिल्यांदाच पालकमंत्री देखील झालो आहे. पालकमंत्री झाल्यानंतर हिंगोलीत आलो आहे. इथे आल्यानंतर असं ऐकलं की हा अल्प जिल्हा आहे. गरीब जिल्हा आहे. आता सोमवारी गेल्यावर मी शासनाला पहिलं विचारणार आहे की, गरिबाला गरीब जिल्हाच का दिला? असं मिश्कील वक्तव्य अन्न व औषध प्रशासन मंत्री तथा हिंगोलीचे पालकमंत्री नरहरी झिरवाळ यांनी केला आहे. ते वसमत शहरात आयोजित नागरी सत्कार सोहळ्यात बोलत होते. यावेळी कार्यक्रमात एकच हशा पिकला होता.