उद्या भाजपप्रवेश, एक दिवस आधीच अपूर्व हिरेंच्या अडचणीत वाढ, पोलिसांत तक्रार दाखल

बब्बू शेख, मालेगाव : मंत्री दादा भुसे आणि डॉ. अपूर्व हिरे यांच्यातील राजकीय कुरघोडीचे राजकारण संपण्याची चिन्हे नाहीत. या राजकारणाला कंटाळून अपूर्व हिरे गुरुवारी भाजप प्रवेश करणार आहेत. भाजपात प्रवेश करण्याच्या तयारीत असलेल्या अपूर्व हिरे यांच्या अडचणीत वाढ झाली असून त्यांनी श्री व्यंकटेश को ऑपरेटिव्ह बँकेचे चेअरमन असताना महात्मा गांधी विद्या मंदिर संस्थेत कार्यरत असलेल्या अनेक कर्मचाऱ्यांच्या नावे लाखो रुपयांचे परस्पर कर्ज काढल्याचा आरोप करण्यात आला.