Nashik : 'सारखी मोबाईल बघत बसते, कामच करत नाही', लग्नानंतर महिन्याभरातच 21 वर्षीय भाग्यश्रीने संपवलं आयुष्य!

Nashik Crime News : पुण्यात वैष्णवी हगवणेच्या हुंडाबळीच्या घटनेने संपूर्ण राज्य हादरलं असतानाच, नाशिकमधून आणखी एका नवविवाहितेच्या आत्महत्येची हृदयद्रावक घटना समोर आली आहे. प्रेमविवाहानंतर अवघ्या महिन्याभरातच २१ वर्षीय भाग्यश्रीने सासरच्या जाचाला कंटाळून आणि नवऱ्याच्या दुर्लक्षामुळे विषारी औषध पिऊन जीवन संपवले. या घटनेने नाशिकमध्ये एकच खळबळ उडाली आहे. काही दिवसांपूर्वी नाशिकमध्येच भक्ती गुजराथी या तरुणीने सासरच्या छळाला कंटाळून आत्महत्या केली होती. ही घटना ताजी असतानाच, आता भाग्यश्रीच्या आत्महत्येने हुंडाबळी आणि कौटुंबिक छळाच्या वाढत्या घटनांवर पुन्हा एकदा प्रश्नचिन्ह निर्माण केले आहे.