"...तर जशास तसं उत्तर देऊ", जरांगेंच्या भूमिकेवर OBC नेते बबनराव तायवाडे आक्रमक

मुंबई: मुंबईतील आझाद मैदानावर मागील तीन दिवसांपासून मनोज जरांगे पाटील उपोषण करत आहेत. मराठा समाजाला ओबीसी प्रवर्गातून आरक्षण द्यावं, अशी मागणी त्यांनी लावून धरली आहे. काहीही झालं तरी मराठा समाजाला ओबीसीतून आरक्षण मिळवून दिल्याशिवाय माघारी जाणार नाही, असा पवित्रा जरांगे यांनी घेतला आहे. जरांगेंच्या या भूमिकेनंतर ओबीसी समाज देखील आक्रमक झाला आहे. त्यांनी मराठा समाजाला ओबीसीतून आरक्षण देण्यास विरोध केला आहे. वेळ पडली तर आम्ही जशास तसं उत्तर देऊ, असा इशारा ओबीसी महासंघाचे अध्यक्ष बबनराव तायवाडे यांनी दिला आहे.