मोदींनी महाराष्ट्रात सभा घेतल्या तिथं महायुतीचं काय झालं? एकट्या भाजपच्या 10 जणांचा पराभव, इतरांचे काय

मुंबई : लोकसभा निवडणुकीत ४०० पारचा नारा देणाऱ्या भाजपला मोठा फटका बसला. २०१९ च्या तुलनेत भाजपच्या ६० पेक्षा जास्त जागा देशभरात कमी झाल्या. पंतप्रधान नरेंद्र मोदी यांनी सभांचा धडाकाच लावला होता. महाराष्ट्रातही मोदींच्या तब्बल 16 सभा झाल्या. यात त्यांनी २५ उमेदवारांचा प्रचार केला. मोदींच्या सभांच्या तुलनेत भाजप आणि महायुतीला मिळालेलं यश मात्र खूपच कमी आहे. मुंबईत दोन तर पुणे, मावळ आणि साताऱ्यात महायुतीला यश मिळालं. उर्वरित ठिकाणी महायुतीच्या पदरी पराभव पडला. मोदींनी सभा घेतलेल्या १० भाजप उमेदवारांचा पराभव झाला.