बंडू आंदेकरला पुणे पोलिसांचा पुन्हा दणका, गणेश पेठेतल्या अनधिकृत बांधकामावर बुलडोझर

अभिजीत पोते, प्रतिनिधी, पुणे : पुणे शहर आणि परिसरात उफाळून आलेले टोळीयुद्ध आणि कोयता गँगच्या नंगा नाचामुळे राज्यभरातून पुणे पोलिसांवर मोठी टीका झाली. त्यानंतर पोलिसांनी अत्यंत आक्रमकतेने पावले उचलत गुन्हेगारांना आर्थिक दणका देऊन मुळावर घाव घालण्याची नवी रणनीती अवलंबण्याचे धोरण आखले. त्यानुसार मंगळवारी पुणे पोलिसांनी आयुष कोमकर खून प्रकरणातील प्रमुख आरोपी बंडू आंदेकर याच्या अनधिकृत बांधकामावर बुलडोझर चालवला.