VIDEO: पाण्याचा प्रचंड वेग, खोलीचा अंदाज घ्यायला चुकले, रत्नागिरीत गणपती विसर्जनावेळी 3 तरुणांसोबत घडला अनर्थ

चंद्रकांत बनकर, प्रतिनिधी खेड: रत्नागिरी जिल्ह्यातील खेड तालुक्यात गणेश विसर्जनाच्यावेळी एक दुर्दैवी घटना घडली आहे. दीड दिवसांच्या गणपती बाप्पाचे विसर्जन करत असताना भोस्ते येथील जगबुडी नदीपात्रात पाण्याचा अंदाज न आल्याने तीन तरुण गणेशभक्त वाहून गेले. यातील दोघे पोहत-पोहत सुखरूप बाहेर आले, मात्र एक तरुण अद्याप बेपत्ता आहे. मागील २४ तासांपासून त्याचा शोध सुरू असून, बचाव पथके घटनास्थळी दाखल झाली आहेत.