श्रीकांत शिंदेंनाही भाजप घेरणार, कल्याण-डोंबिवलीत शड्डू ठोकला, होम ग्राउंडवर रविंद्र चव्हाण आक्रमक

कल्याण: आगामी स्थानिक स्वराज्य संस्थांच्या निवडणुकीसाठी भाजपकडून जोरदार मोर्चेबांधणी सुरू आहे. स्थानिक स्वराज्य संस्थांच्या निवडणुकीत राज्यातील बहुतांशी ठिकाणी 'शत प्रतिशत'चा नारा भाजपकडून देण्यात आल्याची चर्चा आहे. त्यानुसारच आता भाजपकडून महापालिका निवडणुकांवर लक्ष केंद्रीत करण्यात आले आहे. ठाणे महापालिकेत भाजपकडून स्वबळाची तयारी केली जात असताना आता दुसरीकडे बाजूच्या कल्याण डोंबिवली महापालिकेतही स्वबळाचे संकेत देण्यात आले आहेत. कल्याण-डोंबिवली महापालिकेचा पुढील महापौर भाजपचा असावा असे वक्तव्यच प्रदेशाध्यक्ष रविंद्र चव्हाण यांनी केले आहे.