Rohit Pawar On Manikrao Kokate : कोकाटेंकडून कोर्टात खेचण्याचा इशारा, इकडं रोहित पवारांनी नवा व्हिडीओ समोर आणला

नाशिक: माणिकराव कोकाटे यांचा विधिमंडळात बसून रमी खेळतानाचा व्हिडीओ सोशल मीडियावर व्हायरल झाल्यानंतर त्यांच्यावर सर्वच क्षेत्रातून संतप्त प्रतिक्रिया उमटल्या. आपल्याला रमी खेळता येत नसल्याचा दावा कृषी मंत्री माणिकराव कोकाटे यांनी आज नाशिकमधील पत्रकार परिषदेत केला. आपल्याविरोधात आरोप करणाऱ्यांना आपण कोर्टात खेचणार असल्याचा इशारा कोकाटे यांनी दिला. तर, दुसरीकडे आता राष्ट्रवादी शरद पवार गटाचे आमदार रोहित पवार यांनी कोकाटे यांचा दुसरा व्हिडीओ समोर आणला. रोहित पवारांनी 42 सेंकदाचा व्हिडीओ पोस्ट केला आहे. या व्हिडीओत सभागृहाचे कामकाज सुरू असल्याचे आवाजावरून दिसून आले आहे.