Sanjay Shirsat : संजय शिरसाटांच्या अडचणी संपता संपेना, ठाकरे गटानंतर आता भाजपनंही घेरलं, थेट तक्रार करत म्हणाले...

राज्याच्या सामाजिक न्याय विभागाच्या कामकाजावर सध्या भाजपच्या आमदारांतून तीव्र नाराजी व्यक्त केली जात आहे. मंत्री संजय शिरसाट यांच्या नेतृत्वाखालील या विभागाची कार्यशैली आणि निर्णय प्रक्रियेतील विलंब यावर भाजपच्या काही आमदारांनी थेट राज्य नेतृत्वाकडे नाराजी नोंदवली आहे.

सूत्रांच्या माहितीनुसार, सामाजिक न्याय विभागाची अनेक कामं नियोजित वेळेत पूर्ण होत नाहीत, तर काही कामे तर वारंवार सांगूनही रखडलेलीच राहतात. त्यामुळे शेकडो सामाजिक प्रकल्प, योजनांचे लाभार्थी आणि विविध वंचित घटक अडकले गेले असल्याचं आमदारांनी स्पष्ट केलं आहे.

भाजप नेतृत्वाला या विषयाची गांभीर्याने दखल घेण्यास भाग पाडलं जात असून, आगामी मंत्रिमंडळ फेरबदलाच्या पार्श्वभूमीवर शिरसाट यांच्या कामगिरीचा पुनर्विचार होण्याची शक्यता आहे.

काही दिवसांपूर्वीच ठाकरे गटाचे नेते संजय राऊत यांनी आरोप केला होते. त्यानंतर संजय शिरसाट यांचा एक व्हिडीओ व्हायरल झाला. यामध्ये एक पैशांनी भरलेली बॅग दिसून आली. या व्हिडीओत बॅगेत पैसे नसून कपडे असल्याचा दावा शिरसाट यांनी केला होता. त्याआधी शिरसाट यांच्या मुलावर वेगवेगळे आरोप झाले होते. एका हॉटेलच्या खरेदी-विक्रीवरून विरोधकांनी शिरसाट यांना घेरलं होते. त्यानंतर संजय शिरसाट हे सातत्याने चर्चेत आले आहेत.