रिक्षा चालक पाण्यात वाहून गेला, खासदार प्रणिती शिंदे यांना राग अनावर, फोन करत....

सोलापुरात मागच्या तीन दिवसांपासून मुसळधार पाऊस सुरू आहे. रस्ते जलमय झाले आहेत, लोकांच्या घरात पाणी शिरलं आहे. त्याच दरम्यान छत्रपती संभाजी महाराज चौका जवळील पुनानाका इथे एक रिक्षा चालक वाहून गेला. तिथल्या नाल्याच्या प्रवाहात हा रिक्षाचालक वाहून गेला आहे. मध्यरात्री नाल्यावरील पुलावर प्रचंड पाणी वाहत असताना रिक्षाचालकाने पुलावरून गाडी नेण्याचा प्रयत्न केला यावेळी रिक्षासह हा व्यक्ती पाण्याच्या प्रवाहात वाहून गेला.