Vehicle PUC: आता गाड्या असणार सरकारच्या रडारवर! पीयूसी नसल्यास पेट्रोल-डिझेल होणार बंद

नाशिक: राज्यातील मोठी शहरं असो किंवा ग्रामीण भाग, दोन्ही ठिकाणी वाहनांची संख्या प्रचंड वाढली आहे. वाहनांचा वापर वाढल्यामुळे प्रदूषणात देखील मोठ्या प्रमाणात वाढ झाली आहे. ही बाब लक्षात घेऊन राज्य सरकारने काही प्रतिबंधात्मक उपाययोजना राबवण्यास सुरुवात केली आहे. प्रदूषण नियंत्रण प्रमाणपत्र (पीयूसी) नसेल तर पेट्रोल पंपावर इंधन न देण्याचे निर्देश परिवहन मंत्री प्रताप सरनाईक यांनी नुकतेच दिले आहेत. त्यानुसार पेट्रोलपंपावर प्रत्येक वाहनाचा क्रमांक स्कॅन केला जाईल. वैध पीयूसी नसणाऱ्यांना पंपावरच किंवा शोरूम, गॅरेजमध्ये पीयूसी काढता येईल. याबाबत प्रादेशिक परिवहन कार्यालय तसेच पेट्रोल पंपधारकांना कोणत्याही सूचना मिळलेल्या नाहीत.