Dombivali News : डोंबिवलीकर अंधारात! 70 टक्के भागातील बत्ती गुल, महावितरणची पळापळ

अजित मांढरे, प्रतिनिधी, ठाणे: शहरातील तब्बल 70 टक्के भागात पहाटेपासून वीजपुरवठा खंडित झाला असल्याची माहिती समोर आली आहे. विजे अभावी नागरिकांचे हाल सुरू आहेत. पहाटे 6 वाजल्यापासून बत्ती गुल झाली असून, अनेक सोसायट्यांमध्ये वीज पुरवठा सुरळीत झाला नसल्याची माहिती समोर आली आहे. महावितरणकडून सकाळपासून वीज पुरवठा सुरळीत करण्याचे प्रयत्न सुरू आहेत. जवळपास 6 तासानंतर जवळपास सगळ्याच ठिकाणी वीज पुरवठा सुरळीत करण्यात महावितरणला यश आहे.