Water Supply: कल्याण-डोंबिवलीत पाणीबाणी! 1 जुलैला ‘या’ भागात पुरवठा बंद, कारण काय?

टाटा पॉवर कांबा सबस्टेशनमधील एनआरसी 2 फिडरचे नियोजित देखभाल आणि दुरुस्तीचे काम मंगळवारी करण्यात येणार आहे. या फिडरवर अवलंबून असलेली कल्याण-डोंबिवली महापालिकेच्या 150 द.ल.ली. मोहिली उदंचन केंद्र तसेच 100 द.ल.ली. मोहिली जलशुद्धीकरण केंद्र येथील वीजपुरवठा खंडित होणार आहे. त्यामुळे ते पूर्ण क्षमतेने काम करू शकणार नाहीत. परिणामी, कल्याण व डोंबिवली परिसरातील अनेक भागांचा पाणीपुरवठा खंडित होणार आहे.

महापालिकेने नागरिकांना 30 जून रोजीच पाणी साठवून ठेवण्याचे आवाहन केले आहे. पाणीपुरवठा सुरळीत होईपर्यंत पाण्याचा काटकसरीने वापर करण्याची विनंती करण्यात आली आहे. पाणी पुरवठा तात्पुरत्या काळासाठी बंद असून पावसाळ्यापूर्वी आवश्यक असलेली देखभाल पूर्ण करण्यासाठीच हे पाऊल उचलण्यात आले आहे. नागरिकांनी संयम बाळगावा व सहकार्य करावे, असे आवाहन महापालिकेने केलं आहे.