Thane Crime : RTOचा मेसेज पडला महागात! व्हॉट्सअ‍ॅपवरील एका क्लिकने व्यक्तीला 3.2 लाखांना गंडा, नेमकं झालं काय?

मिळालेल्या माहितीनुसार, हा सर्व प्रकार भिवंडीतील एका व्यक्ती सोबत घडलेला आहे. ज्यात त्याला तब्बल 3.2 लाखांचा फटका बसला.  पीडित व्यक्तीला एका अनोळखी नंबरवरून RTO Challan नावाची फाइल आली होती. त्यानंतर आरटीओकडून चालान आल्याचा गैरसमज झाल्याने त्याने ती फाइल आपल्या मोबाईलमध्ये डाउनलोड केली. मात्र, ही फाइल डाउनलोड होताच फसवणूक करणाऱ्यांना त्याच्या मोबाईलवर पूर्णपणे रिमोट अ‍ॅक्सेस मिळाला. त्यानंतर त्यांनी त्याच्या आणि त्याच्या पत्नीच्या नावावर असलेल्या विविध बँक खात्यांमधून पैसे ट्रान्सफर करून फसवणूक केली.