Maharashtra politics : एकनाथ शिंदेंचा ठाकरे गटाला मोठा धक्का; उद्धव ठाकरेंचा ठाण्यातील शिलेदार फोडला

तारा घर या ठाकरे गटाच्या शहर अध्यक्ष आहेत, तसेच त्या माजी नगरसेविका देखील आहेत. त्यांनी शिवसेनेत प्रवेश केला आहे. दरम्यान मीरा भाईंदर शहरातील आणखी दोन माजी नगरसेवक हे शिंदे गटात जाणार असल्याची माहिती सूत्रांकडून मिळत आहे.  महानगर पालिका निवडणुकीपूर्वी हा शिवसेना ठाकरे गटासाठी मोठा धक्का मानला जात आहे.

दरम्यान दुसरीकडे शिवसेना ठाकरे गटाला हिंगोलीमध्ये देखील मोठा धक्का बसला आहे. शिवसेना ठाकरे गटाचे माजी मंत्री जयप्रकाश मुंदडा यांनी मुख्यमंत्री एकनाथ शिंदे यांच्या उपस्थितीमध्ये शिवसेनेत प्रवेश केला आहे. शिवसेना ठाकरे गटाकडून हिंगोलीमधून लोकसभेची निवडणूक लढवण्यासाठी ते इच्छूक होते. मात्र तिकीट न मिळाल्यानं ते पक्षावर नाराज होते. अखेर त्यांनी ठाकरे गटाची साथ सोडत शिवसेनेत प्रवेश केला आहे. जयप्रकाश मुंदडा यांच्या शिवसेना प्रवेशामुळे जिल्ह्यात ठाकरे गटाला मोठा धक्का बसला आहे.

माजी मंत्री जयप्रकाश मुंदडा यांनी शिवसेनेमध्ये प्रवेश केला आहे. मुख्यमंत्री एकनाथ शिंदे यांच्या प्रमुख उपस्थितीमध्ये मुंदडा यांनी मुंबईमध्ये शिवसेनेते प्रवेश केला. हिंगोलीचे शिवसेनेचे संपर्कप्रमुख आनंदराव जाधव, वसमतचे तालुकाप्रमुख राजू चापके, ठाण्याचे खासदार नरेश मस्के यांची देखील यावेळी उपस्थिती होती. शिवसेना ठाकरे गटाने हिंगोली लोकसभेचे तिकीट नाकारल्यापासून माजी मंत्री मुंदडा हे पक्षावर नाराज होते. अखेर या नाराजीतून त्यांनी शिवसेनेत प्रवेश केला आहे.