महाराष्ट्रातील ही महापालिका काढून देणार फुकटात दात, निवडणुकीच्या तोंडावर मोठा निर्णय!

ठाणे: लोकांच्या आरोग्यासाठी सरकारकडून विविध योजनांची अंमलबजावणी केली जाते. आता ठाणे महापालिकेच्या आरोग्य विभागाने मोठा निर्णय घेतला आहे. शहरातील टेंभी नाका येथील सी. आर. वाडिया या केंद्रात सुपरस्पेशालिटी दंत चिकित्सा विभाग सुरू करण्यात आला आहे. या ठिकाणी दोन दंत चिकित्सकांची नियुक्ती करण्यात आली असून दातांचे आरोग्य चांगले राहावे म्हणून रुग्णांना मोफत उपचार देण्यात येणार असल्याची माहिती आरोग्य विभागाने दिली आहे.