सोलापुरात 'ऑपरेशन लोटस', शरद पवारांचे निष्ठावंत नेते गळाला, बबनदादा शिंदेंसह 2 माजी आमदार जाणार भाजपात

सोलापूर: आगामी स्थानिक स्वराज्य संस्थांच्या निवडणुकांच्या तोंडावर सोलापूर जिल्ह्याच्या राजकारणात मोठा भूकंप होण्याची चिन्हे आहेत. राष्ट्रवादी काँग्रेस (शरद पवार गट) पक्षाला सोलापूर जिल्ह्यात जोरदार धक्का बसणार असून, पक्षाचे निष्ठावान मानले जाणारे माजी आमदार बबनदादा शिंदे हे आपल्या दोन्ही मुलांसह भाजपमध्ये प्रवेश करणार असल्याची माहिती समोर येत आहे. त्यांच्यासोबतच माजी आमदार राजन पाटील आणि दिलीप माने हे देखील भाजपमध्ये सामील होणार असल्याने राष्ट्रवादीच्या गोटात मोठी अस्वस्थता पसरली आहे.