BMC Election Uddhav Thackeray : भाजपच्या सर्वेनंतर ठाकरेंची बैठक, विधानसभेची ती चूक, पदाधिकाऱ्यांना काटेकोर आदेश, 5 महत्वाच्या सूचना

सुस्मिता भदाणे, प्रतिनिधी, मुंबई: मुंबई महापालिकांसह आगामी स्थानिक स्वराज्य संस्थांच्या निवडणुकीच्या हालचाली सुरू झाल्या आहेत.राज्य सरकारने प्रभागरचनेचे आदेश जारी केल्यानंतर सगळेच राजकीय पक्ष तयारीला लागले आहेत. राजकीय अस्तित्वाची लढाई असलेल्या शिवसेना ठाकरे गटानेही कंबर कसली आहे. आता पक्षप्रमुख उद्धव ठाकरे यांनी आता मुंबई महापालिका निवडणुकीसाठी आज शाखा प्रमुखांची बैठक शिवसेना भवनात पार पाडली. आजच्या बैठकीत उद्धव ठाकरे यांनी विधानसभा निवडणुकीत झालेली ती चूक दुरुस्त करण्यासह काटेकोर आदेश आजच्या बैठकीत दिले. आपल्या पक्षाने ‘करून दाखवलं’ आणि आजच्या सत्ताधारी सरकारने ‘घालून दाखवलं ’ हे मतदारांना निदर्शनास आणून द्या, असे आवाहन त्यांनी या बैठकीत केले.