Shiv Sena UBT MNS : मतदानाच्या काही तासांआधीच खळबळ! ठाकरे बंधूंच्या शिलेदारांची EOW चौकशी सुरू, प्रकरण काय?

मुंबई: आगामी मुंबई महापालिका निवडणुकीत उद्धव आणि राज या ठाकरे बंधूंच्या युतीची चर्चा सुरू आहे. मात्र, त्याआधीच शिवसेना ठाकरे गट आणि मनसेच्या कामगार संघटनेने बेस्ट पतसंस्था निवडणुकीत युती केली. या युतीला भाजपच्या महायुतीचे आव्हान असताना आता मोठी घडामोड झाली आहे. मतदानासाठी काही तास शिल्लक असताना ठाकरेंच्या दोन शिलेदारांची पोलिसांकडून चौकशी सुरू असल्याची माहिती भाजप आमदार प्रसाद लाड यांनी दिली आहे. या दोघांवर बेस्ट पतसंस्थेत भ्रष्टाचार केल्याचा ठपका आहे.