29 वर्षांनी दाऊदचं भूत पुन्हा मानगुटीवर? शरद पवारांवरच्या आरोपांनी खळबळ

मुंबईवर १९९३ मध्ये झालेल्या दहशतवादी हल्ल्याच्या आधी १९९२ मध्ये मंत्रिमंडळातील काही व्यक्ती आणि शरद पवार यांच्या निकटवर्तीयांनी दुबईत वारंवार संपर्क केल्याचा आरोप करण्यात आला होता. भाजपचे ज्येष्ठ नेते दिवंगत गोपीनाथ मुंडे यांनी तेव्हा आरोप केले होते. पण हे आरोप पुराव्याअभावी सिद्ध होऊ शकले नव्हते.

माजी रॉ अधिकारी एनके सूद यांनी एका मुलाखतीत शरद पवार आणि दाऊद इब्राहिम यांचे संबंध असल्याचे म्हटलं होतं. मुंबई बॉम्बस्फोटाचे आरोपी देशातून पळाले तेव्हा शरद पवार मुख्यमंत्री होते. दाऊद आणि त्याच्या साथीदारांविरोधात कठोर पावले उचलली नाहीत. यातून शरद पवार आणि दाऊद यांचे संबंध असल्याचेच संकेत मिळतात असा दावा एनके सूद यांनी केला होता. २०१९ मध्ये ही मुलाखत एनके सूद यांनी दिली होती.

देवेंद्र फडणवीस यांनी शिवाजी महाराजांच्या सुरतेच्या स्वारीबाबत केलेल्या वक्तव्यावरून प्रकाश आंबेडकर यांनी निशाणा साधला आहे. प्रकाश आंबेडकर म्हणाले की, ''शिवाजी महाराजांची स्वारी गुजरातवर कधी झालीच नाही'' असे मत देवेंद्र फडणवीस यांनी व्यक्त केलंय. यापूर्वी आरएसएस असे म्हणत होते की शिवाजी महाराजांचा इतिहासच नाही. त्यामुळे एका कर्तबगार व्यक्तिमत्वाचा इतिहास नाकारण्याचा हा विषय होत असून याबाबत देवेंद्र फडणवीस यांनी माफी मागावी असे मत वंचित बहुजन आघाडीचे सर्वेसर्वा प्रकाश आंबेडकर यांनी व्यक्त केलंय. ते माफी मागणार नाहीत याची मला खात्री असल्याचे देखील यावेळी आंबेडकर म्हणाले.