Thane Water Supply: मुसळधार पाऊस तरीही ठाण्यात उद्भवणार पाणीबाणी, 24 तास पाणीपुरवठा बंद, काय म्हणाली महापालिका?

ठाणे: येत्या गुरुवारी (21 ऑगस्ट) ठाणेकरांना पाण्याच्या तात्पुरत्या तुटवड्याचा सामना करावा लागणार आहे. महाराष्ट्र औद्योगिक विकास महामंडळाच्या (एमआयडीसी) पाणी पुरवठा योजनेअंतर्गत जांभूळ जलशुद्धीकरण केंद्रात आवश्यक देखभाल आणि दुरुस्तीची कामं हाती घेतली जाणार आहेत. ही कामं अत्यंत महत्त्वाची असल्याने यासाठी पाणीपुरवठा तात्पुरता बंद ठेवण्यात येणार आहे. या देखभाल दुरुस्तीमुळे गुरुवारी दुपारी 12 वाजल्यापासून ते शुक्रवारी (22 ऑगस्ट) दुपारी 12 वाजेपर्यंत असा एकूण 24 तास ठाणे महानगरपालिका क्षेत्रातील काही भागांचा पाणीपुरवठा पूर्णत बंद राहणार आहे.