एका कल्पनेनं बदललं शेतकऱ्याचं नशीब; भाजीपाला लागवडीतून कमावतो लाखो रुपये!

हेही वाचा : शेतकऱ्यांनो, 100 टक्के अनुदानावर मिळवा बॅटरी फवारणी पंप, असा करा अर्ज!

उत्तर प्रदेशच्या रायबरेलीचे रहिवासी असलेले राधेश्याम एकदा आपल्या शेतातली वांगी बाजारात विक्रीसाठी घेऊन गेले होते. तिथं त्यांची भेट झाली मुलायम सिंह आणि संतोष चौधरी यांच्याशी. राधेश्याम यांनी आपली व्यथा त्यांच्यासमोर मांडली. तेव्हा ते मित्र म्हणाले, 'तू काळजी करू नको. तुला आम्ही एक अशी पद्धत सांगू की, पावसाळ्यात अजिबात पीक खराब होणार नाही.'

राधेश्याम मौर्य सांगतात, 'दोन्ही मित्रांनी मला मचाण पद्धतीनं शेती करण्याची कल्पना दिली. मग एका एकरात मी मचाण पद्धतीनं भाजीपाल्याची लागवड सुरू केली. आता पावसाळ्यातही पीक सुरक्षित आहे. अजिबात पाणी साचून पिकांचं नुकसान होण्याची भीती वाटत नाही.'

मचाण तयार झाल्यानंतर त्याच बांबूच्या तुकड्यांजवळ रोपाची पेरणी करतात. जसजशी वनस्पती वाढते. तसतशी कापसाच्या पातळ दोरीच्या साहाय्याने तिची वेल त्याच जाळीवर बसवली जाते, ज्यामुळे फळं आल्यावर ती जमिनीला चिकटत नाहीत. अशाप्रकारे भाजीपाला लागवड करताना शेतात पाणी साचलं तरी फळांचं नुकसान होत नाही.

सध्या त्यांच्याकडे 1 एकरात दुधी आणि 1 एकरात वांगी आहेत. शेतात तयार झालेला भाजीपाला ते रायबरेली, बाराबंकी आणि लखनऊमधील बाजारात विक्रीसाठी पाठवतात. जिथून त्यांना चांगला नफा मिळतो.