घरच्या बिकट परिस्थितीमुळे सोडावे लागले शिक्षण, अमरावतीमधील बीकॉम चायनिजवाला, महिन्याला करतोय 2 लाखांची उलाढाल

अमरावती : अमरावतीमध्ये शिवराज सुर्यवंशी नावाच्या तरुणाने बीकॉम चायनिज वाला या नावाने चायनिजचे स्टॉल सुरू केले आहे. त्यांच्या अमरावती मधील वेगवेगळ्या परिसरात तीन शाखा आहेत. घरच्या हलाखीच्या परिस्थितीमुळे शिक्षण सोडून त्याने काम करायला सुरुवात केली. त्यानंतर काही दिवसांनी आईच्या नावावर लोन काढून श्री स्वामी समर्थ नावाने चायनिज सेंटर सुरू केले. त्यात त्याला लॉस झाला. तरीही त्याने प्रयत्न करून पुन्हा जोमाने काम सुरू केले आणि आज त्याचे अमरावतीमध्ये तीन दुकान आहेत.

अमरावतीमधील व्हीएमव्ही कॉलेज परिसरात असलेला बीकॉम चायनिजवाला शिवराज सुर्यवंशी याच्याशी लोकल18 ने संवाद साधला. तेव्हा तो सांगतो की, माझे शिक्षण बीकॉम फायनलपर्यंत झालेले आहे. घरची परिस्थिती अतिशय बिकट असल्याने मला लवकरच कामासाठी बाहेर पडावे लागले. मी बाहेर मिळेल ते काम करत होतो. त्यानंतर मला कामासाठी बाईक आवश्यक होती, त्यामुळे मी आईच्या अकाउंट वरून लोन काढले आणि बाईक घेतली. बाईकचा हपता भरण्यासाठी मी अतिरिक्त काम करत होतो.

काही दिवसानंतर व्यवसाय वाढवण्यासाठी मी दुसरी गाडी सुरू केली. त्यात सुद्धा मला यश आले, त्यानंतर नॉनव्हेज सुरू केले त्यात सुद्धा मला बऱ्यापैकी इन्कम होत आहे. आता माझ्याकडे जे कामगार आहेत त्यांना सगळ्यांना मिळून 50 हजार रुपये दर महिन्याला मला द्यावे लागतात. माझी महिन्याला 1.5 ते 2 लाखांची उलाढाल सध्या होत आहे. शिक्षणाची सुद्धा मला आवड होती. पण परिस्थितीने इकडे आणले. शिक्षण अपूर्ण राहाले मात्र व्यवसायात भरारी घेतली, असे त्याने सांगितले.