1990 ला मारुती, 2005 ला इनोवा, तर 2019 BMW; 2040 मध्ये एक किलो सोन्यात खरेदी करु शकता प्रायवेट जेट

एका बाजूला महागाई आणि दुसऱ्या बाजूला आर्थिक अस्थिरता असताना, सोने आणि चांदी हेच खरे 'कुबेराचे धन' ठरत आहेत. गेल्या वर्षभरात या दोन्ही मौल्यवान धातूंनी 'रॉकेटच्या स्पीडने' दर वाढवले आहेत. चांदीचा दर तर सोन्याच्या मागोमाग धावत थेट ₹१ लाख ८१ हजार प्रति किलोवर पोहोचला आहे, ज्याने वर्षभरात ७० ते ८० हजार रुपयांचा जबरदस्त परतावा दिला आहे.आज सोन्याने सारे विक्रम मोडून दिल्ली सराफा बाजारात १ किलो सोन्याची किंमत १.२१ कोटी रुपयांवर नेऊन ठेवली आहे. याचा अर्थ, तुम्ही याच किमतीत आता लँड रोव्हर सारखी महागडी एसयूव्ही खरेदी करू शकता! या विक्रमी भावांवर आरपीजी एंटरप्रायझेसचे चेअरमन हर्ष गोयंका यांनी एक मजेशीर आणि त्याचवेळी डोळे उघडणारे ट्विट केले आहे, जे सध्या तुफान व्हायरल होत आहे.