Share Market: बजेटनंतर शेअर मार्केटचा मूड बदलला, फेब्रुवारीच्या पहिल्याच दिवशी ती भविष्यवाणी खरी ठरली

आयकरात सवलत देण्यामागील सरकारचा पहिला उद्देश हा लोकांच्या हातात जास्त पैसा उपलब्ध करुन देण्याचा होता. यामुळे ते त्यांच्या गरजांसाठी खर्च करू शकतील किंवा गुंतवणूक करू शकतील. मात्र शेअर बाजाराच्या दृष्टिकोनातून हा अर्थसंकल्प फार खास ठरला नाही. अर्थमंत्र्यांच्या भाषणात शेअर बाजाराचे संपूर्ण लक्ष भांडवली खर्चाच्या आकड्यावर होते. परंतु सरकारने भांडवली खर्चात कोणताही मोठा बदल केला नाही आणि तो 10.80 लाख कोटी रुपयांवर ठेवला. पायाभूत सुविधांना चालना देण्यासाठी भांडवली खर्च वाढण्याची वाट शेअर बाजार पाहत होता. मंदावलेल्या अर्थव्यवस्थेला चालना देण्यासाठी, उत्पादन आणि पायाभूत सुविधांसाठी अर्थसंकल्पात काहीतरी विशेष असेल अशी अपेक्षा होती. पण अर्थसंकल्पीय भाषणात तसे काहीही घडले नाही.