रतन टाटांची इच्छा पूर्ण झाली, नोएल टाटा नव्हे या जवळच्या व्यक्तीची केली महत्त्वाच्यापदावर नियुक्ती

सूत्रांच्या माहितीनुसार, रतन टाटांच्या इच्छेनुसार त्यांचे इच्छापत्र कार्यान्वित करणाऱ्या अधिकाऱ्यांनी बाह्य कायदेशीर तज्ज्ञांचा सल्ला घेतल्यानंतर चंद्रशेखरन यांच्या नावावर शिक्कामोर्तब केले. टाटा ट्रस्टच्या नियमांनुसार, टाटा सन्सच्या चेअरमनला टाटा ट्रस्टच्या चेअरमनपदावर बसता येत नाही, मात्र RTEF फाउंडेशन टाटा ट्रस्टशी संबंधित नसल्याने हा नियम येथे लागू होत नाही. टाटा ट्रस्ट्सचे चेअरमन नोएल टाटा या फाउंडेशनचा भाग असणार नाहीत.

टाटा सन्स आणि समूहातील कंपन्यांमध्ये रतन टाटांची असलेली हिस्सेदारी तसेच टाटा टेक्नोलॉजीज आणि टाटा डिजिटलमधील गुंतवणुकीतून मिळणारे भांडवल फाउंडेशनला प्राप्त होईल.

गेल्या वर्षी ऑक्टोबरमध्ये ८६ वर्षांचे असताना रतन टाटांचे निधन झाले. त्यांच्या मालकीच्या टाटा सन्समधील थेट हिस्सेदारी 0.83% होती. त्यांच्या एकूण संपत्ती 8 हजार कोटींपेक्षा अधिक असण्याचा अंदाज आहे. मात्र प्रत्यक्ष संपत्ती यापेक्षा जास्त असल्याचे सांगितले जाते. याशिवाय त्यांच्या ताब्यात फेरारी आणि मसेरातीसारख्या आलिशान गाड्या, महागड्या चित्रकला, स्टार्टअप्समधील शेअर्स आणि इतर गुंतवणुकी होत्या. त्यांच्या वैयक्तिक गुंतवणूक कंपनी RNT असोसिएट्सकडे 2023 पर्यंत 186 कोटींची गुंतवणूक होती, ज्याची किंमत आता अनेक पटींनी वाढली आहे.