TDS Update : इन्कम टॅक्स डिपार्टमेंट पाठवत आहे हा SMS, त्याच्या नेमका अर्थ काय? 

हा मेसेज मिळाल्यानंतर काही करदाते गोंधळून जाऊ शकतात. त्यांना वाटू शकतं की, आता त्यांना जास्त कर भरावा लागणार नाही. मात्र, हा SMS फक्त माहिती पुरवण्यासाठी असून, त्याचा अर्थ असा नाही की कर भरण्याची प्रक्रिया पूर्ण झाली आहे. ही सेवा 2016 मध्ये सुरू करण्यात आली होती, जेणेकरून करदात्यांना त्यांच्या पगारातून कपात झालेल्या TDS ची माहिती सहज मिळावी. या सुविधेमुळे कर्मचारी आपल्या पगाराच्या स्लिप आणि या संदेशातील माहिती यांची ताळमेळ घालू शकतात.

पगारावर काम करणाऱ्या अन् टॅक्स भरणाऱ्या नोकरदार वर्गाला 2024-25 या आर्थिक वर्षासाठी ITR (Income Tax Return) भरण्यासाठी जून महिन्यापर्यंत प्रतीक्षा करावी लागेल. कारण नियमानुसार प्रत्येक नियोक्त्याने 15 जूनपर्यंत ‘फॉर्म 16’ जारी करणे बंधनकारक आहे.

फॉर्म 16 हा एक महत्त्वाचा दस्तऐवज आहे, जो नियोक्ता कर्मचाऱ्याला देतो. यात ITR भरण्यासाठी लागणारी सर्व महत्त्वाची माहिती असते.

हा SMS सेवा करदात्यांसाठी उपयुक्त ठरू शकते, कारण यामुळे त्यांना कर कपातीची अचूक माहिती मिळते आणि भविष्यातील आयकर नियोजन सोपे होते. ITR भरताना यामेसेजमधील आकडे आणि नियोक्त्याने दिलेल्या पगाराच्या स्लिप यांची पडताळणी करणे आवश्यक आहे.