Farmer News : राज्य सरकारकडून 22 जिल्ह्यांचे नुकसानग्रस्त भागातील अंदाजपत्रक, या जिल्ह्याला सर्वाधिक फटका

मुंबई, 30 नोव्हेंबर : दोन दिवसांपूर्वी अवकाळी पावसाने राज्यातील अनेक जिल्ह्यात जोरदार तडाखा दिला. या पावसाने शेतकऱ्यांचे चांगलेच कंबरडे मोडले आहे. पावसानंतर सरकारकडून नुकसानग्रस्त भागाचे पंचनामे करण्याचे आदेश देण्यात आले होते. राज्य सरकारकडून महाराष्ट्रातील 22 जिल्ह्यांचे नुकसानग्रस्त भागातील अंदाजपत्रक तयार करण्यात आले आहे. महाराष्ट्रात चार लाख हेक्टरहून अधिक क्षेत्रावरील पिकांचे नुकसान झाल्याचे समोर आले आहे. अद्याप काही जिल्ह्यांचे पंचनामे शिल्लक आहेत. त्यामुळे हा आकडा आणखी वाढणार आहे.