ट्राम ते एसी BEST बस, 150 वर्षांचा इतिहास उलगडणाऱ्या 'या' संग्रहालयाला एकदा तरी भेट द्यायला हवी
- Published by:News18 Marathi
Last Updated:
मुंबईतल्या बेस्ट बसला तब्बल दीडशे वर्षांचा इतिहास आहे. हा सर्व इतिहास अनुभवण्याची संधी इथं मिळते.
मुंबई, 11 सप्टेंबर : सामान्य मुंबईकरांच्या रोजच्या प्रवासाचं महत्त्वाचं माध्यम म्हणजे बेस्ट. काळ्या-पिवळ्या टॅक्सी, रिक्षा या सार्वजनिक वाहतुकीच्या सुविधांसोबतच बेस्टच्या बसनं रोज लाखो मुंबईकर प्रवास करतात. एखादा दिवस ही सेवा बंद असेल तर मुंबईकरांचं वेळापत्रकच कोलमडून जातं. मुंबईतल्या बेस्ट बसला तब्बल दीडशे वर्षांचा इतिहास आहे. हा सर्व इतिहास अनुभवण्याची, समजून घेण्याची संधी मुंबईकरांना एका खास संग्रहालयात मिळते.
सायनमधील आणिक आगारात बेस्टचे वस्तू संग्रहालय आहे. या वस्तूसंग्रहालयात 1874 ते 1960 पर्यंतचा इतिहास प्रभावीपणे मांडण्यात आलाय. मुंबईतील स्थानिक प्रवासी वाहतूक व विद्युत पुरवठा या दोन महत्त्वाच्या सेवांबाबत अनेक पुरातन वस्तू, माहिती, दस्तऐवज, चल प्रतिकृती, स्थिर प्रतिकृती, छायाचित्रे यासारख्या वेगवेगळ्या गोष्टी इथं पाहायला मिळतात.
advertisement
घोड्यांनी ओढली जाणारी ट्राम, अमेरिकन ट्रेलर ट्राम, स्कोडा कंपनीची विद्युत ट्रॉली बस, ट्रामची व बसची जुनी तिकिटे, तिकिटे देणारी वेगवेगळ्या प्रकारची यंत्रे या सर्व गोष्टी या संग्रहालयात आकर्षकपणे मांडण्यात आल्या आहेत.
advertisement
बेस्टच्या विद्युत पुरवठा विभागातील विविध प्रकारची विद्युत मीटर, विद्युत स्वीच गेअर, सर्किट ब्रेकर, गॅसवर चालणारा जुना पथदिवा, दिवे दुरुस्त करण्याचा हॅण्ड टॉवर, विद्युत देयकांची यंत्रे, कार्यालयीन कामाकाजासाठी वापरली जाणारी जुनी कॅलक्युलेटर्स यासारख्या अनेक दुर्मिळ वस्तूदेखील या संग्रहालयात आहेत.
advertisement
कुठे पाहणार?
स्थळ : बेस्ट संग्रहालय, प्रशासकीय इमारत, तिसरा मजला,
आणिक बस आगार, सायन पूर्व
मुंबई - 400022
view commentsLocation :
Mumbai,Maharashtra
First Published :
September 11, 2023 11:00 AM IST
मराठी बातम्या/मुंबई/
ट्राम ते एसी BEST बस, 150 वर्षांचा इतिहास उलगडणाऱ्या 'या' संग्रहालयाला एकदा तरी भेट द्यायला हवी
