Mumbai : दारू पाजून काटा काढला; मर्डर करून पोलीस स्टेशनला पोहोचला, निर्घृण हत्याकांडाने मुंबईत खळबळ

मुंबई : मुंबईच्या मालवणी भागामध्ये 21 वर्षांच्या तरुणाने त्याच्या बहिणीच्या प्रियकराची निर्घृणपणे हत्या केली आहे. आशिष शेट्टी असं या आरोपीचं नाव आहे. आशिषची बहीण ही 40 वर्षांच्या नितीन सोळंकी यांचे जवळचे संबंध होते. नितीन हा एका रुग्णालयात केअरटेकर म्हणून काम करत होता. सुरूवातीला आशिषने त्यांच्या या नात्याकडे दुर्लक्ष केलं. पण काही दिवसांपूर्वी नितीन आशिषची आई आणि बहिणीबद्दल अपशब्द बोलला. याबद्दल आशिषला वाईट वाटले आणि त्याच क्षणी त्याने नितीनला धडा शिकवण्याचं ठरवलं.