मुंबईत आणखी एका पोलिसानं संपवलं जीवन, 4 दिवसात दुसरी घटना, मायानगरीत काय घडतंय?

या घटनेमुळे पोलीस वसाहतीत शोककळा पसरली आहे. मुकेश देव यांनी हे टोकाचे पाऊल का उचलले, याचा शोध पोलीस घेत आहेत. याप्रकरणी अंधेरी पोलीस ठाण्यात अपघाती मृत्यूची नोंद करण्यात आली असून, पुढील तपास सुरू आहे. गेल्या चार दिवसांत मुंबईत दुसऱ्या पोलीस कर्मचाऱ्याने आत्महत्या केल्याने पोलीस दलातील मानसिक आरोग्याचा प्रश्न पुन्हा एकदा ऐरणीवर आला आहे. यामागे मानसिक आरोग्याचं कारण आहे की आणखी काही? याचा सविस्तर तपास सुरू आहे. या दोन्ही घटनांचा एकमेकांशी काही संबंध आहे का? याचाही तपास पोलीस करत आहेत.