Mumbai Water: मुंबईला पाणीपुरवठा करणाऱ्या 7 तलावांबाबत मोठी अपडेट, ऐन पावसाळ्यात पाणी घटलं!

मुंबई: मुंबईला पाणीपुरवठा करणाऱ्या सात प्रमुख तलावांच्या पाणलोट क्षेत्रात पावसाने काही दिवसांपासून विश्रांती घेतली आहे. त्यामुळे तलावांतील पाणीसाठ्यात घट होऊ लागली आहे. मोडक सागर व तानसा या दोन्ही तलावांत मिळून सुमारे 8 हजार दशलक्ष लिटर पाण्याची घट नोंदवण्यात आली आहे. जोरदार पावसामुळे 9 जुलै रोजी तानसा तर 23 जुलै रोजी मोडक सागर ओसंडून वाहू लागले होते. तेव्हा हे दोन्ही तलाव 100 टक्के भरले होते. मात्र सध्या पावसाचा जोर कमी झाल्याने मोडक सागरचा साठा 1,23,417 दशलक्ष लिटर व तानसाचा साठा 1,42,063 दशलक्ष लिटर इतका झाला आहे.