VIDEO: नालासोपाऱ्यात तरुणांमध्ये तुफान राडा, भररस्त्यात दोन गटांनी एकमेकांना धू-धू धुतलं

विजय देसाई, प्रतिनिधी नालासोपारा : पालघर जिल्ह्याच्या नालासोपारा पूर्वेकडील आचोळे रोड परिसरात दोन गटात तुफान राडा झाल्याची घटना समोर आली आहे. दोन गटांनी भररस्त्यात एकमेकांना बेदम मारहाण केली आहे. या घटनेचा व्हिडीओ समोर आला असून सोशल मीडियावर व्हायरल होत आहे. किरकोळ कारणावरून तरुणांमध्ये झालेल्या तुफान हाणामारीमुळे बुधवारी रात्री तणावाचे वातावरण निर्माण झाले होते. भर रस्त्यावर जोरदार मारामारी झाल्याने काही काळ परिसरात वाहतूक कोंडी देखील झाली होती.