Navi Mumbai : खाकी वर्दीतल्या अधिकाऱ्यानं शड्डू ठोकला, थेट हिंदकेसरी' स्पर्धेत मल्लांना देणार आव्हान

नवी मुंबई : महाराष्ट्र पोलिस दलाचा मान वाढवणारी बातमी समोर आलेली आहे. नवी मुंबई पोलिस आयुक्तालयातील वाहतूक विभागाचे सहाय्यक पोलीस आयुक्त तसेच सलग तीन वेळा महाराष्ट्र केसरी विजेता आणि जागतिक पोलीस स्पर्धेतील सुवर्णपदक विजेता पैलवान विजय चौधरी यांची प्रतिष्ठित हिंदकेसरी कुस्ती स्पर्धेसाठी निवड झाली आहे. भारतीय शैली कुस्ती महासंघ आणि महाराष्ट्र राज्य भारतीय कुस्ती संघ यांच्या मान्यतेने पुण्यातील वडकी येथील राष्ट्रीय कुस्ती संकुलात ही निवड चाचणी पार पडली.