Mumbai Local: लोकलच्या गर्दीत घुसण्याची गरज नाही, आता ज्येष्ठ नागरिकांसाठी स्पेशल डबा!

मुंबई : रेल्वेची लोकल सेवा ही मुंबईकरांची जीवनवाहिनी मानली जाते. परंतु, प्रचंड गर्दीमुळे ज्येष्ठ नागरिकांना प्रवास करणे अडचणीचे आणि काही वेळा जीवघेणे देखील ठरते. याच पार्श्वभूमीवर पश्चिम रेल्वेने मोठा निर्णय घेतला आहे. ज्येष्ठ नागरिकांसाठी आता केवळ सीटच उपलब्ध होणार नसून विशेष डबा असणार आहे. गाडीतील एका लगेज डब्याचे ज्येष्ठ नागरिकांसाठीच्या विशेष डब्यात रुपांतर करण्यात येणार आहे. मुंबई उच्च न्यायालयाच्या आदेशानुसार रेल्वे प्रशासनाकडून 5.4 कोटी रुपयांच्या खर्चातून ही व्यवस्था करण्यात येत आहे.