दोन दिवसांपूर्वी नोकरी सोडली, लंडनला सेटल व्हायच्या आधीच नियती क्रुर झाली, विमान अपघातात कुटुंबाची स्वप्नही क्रॅश

संपूर्ण कुटुंब लंडनमध्ये स्थायिक होण्याच्या उद्देशाने या विमानात बसलं होतं. पत्नी आणि मुलांना लंडनमध्येच सेटल करण्याचं स्वप्न प्रतिक मागची कित्येक वर्ष बघत होते, पण नियतीने घात केला आणि संपूर्ण कुटुंबाचा आनंद दुःखात बदलला.

विमान अपघाताची माहिती समोर येताच प्रतिक जोशी आणि त्यांच्या कुटुंबियांना ओळखणाऱ्यांमध्ये शोककळा पसरली आहे. या अपघातामध्ये राजस्थानमधील 10 जणांचा मृत्यू झाला आहे.

राजस्थानातील बांसवाडा येथील प्रतिक जोशी कुटुंबातील पाच जण, उदयपूरमधील 4 जण आणि बालोत्रा येथील खुशबू राजपुरोहित यांचा विमान अपघातात मृत्यू झाल्याची पुष्टी झाली आहे. उदयपूर शहरातील संगमरवराचे व्यापारी पिंकू मोदी यांचा 24 वर्षीय मुलगा शुभ आणि 22 वर्षीय मुलगी शगुन मोदी यांच्याव्यतिरिक्त रुंदेडा गावातील वरदी चंद मेनारिया आणि प्रकाश मेनारिया यांचाही मृत्यू झाला आहे.