हा तर भारताचा 'Clear cut' विजय; जगातील सर्वात मोठ्या लष्करी तज्ज्ञाने पाकिस्तानची शिल्लक लाज काढली

टॉम कूपर यांनी स्पष्टपणे सांगितले की भारतीय सैन्यासमोर पाकिस्तानी सैन्य टिकू शकले नाही. ते म्हणाले की भारताने पाकिस्तानात घुसून ज्या प्रकारे विध्वंस केला, तो पाकिस्तानचा पराभव दर्शवतो. याच कारणामुळे तो शस्त्रसंधीसाठी अमेरिकेकडे याचना करत पोहोचला होता. त्यांनी भारताच्या या संपूर्ण अभियानाला स्पष्ट विजय असल्याचे म्हटले आहे.

भारत या कारवाईत पाकिस्तानपेक्षा खूप वरचढ होता आणि भारताचा थेट विजय झाला.'ऑपरेशन सिंदूर'मध्ये किमान पाच प्रमुख दहशतवादी मारले गेले आणि १४० इतर दहशतवाद्यांचा खात्मा झाला. पाकिस्तान सरकारने यावर चुप्पी साधली, पण आयएसआयने या दहशतवाद्यांना शहीद ठरवून पाक लष्कराच्या अधिकाऱ्यांसोबत शासकीय सन्मान दिला. जे हे दर्शवण्यासाठी पुरेसे आहे की दहशतवाद्यांचे सैन्याशी थेट संबंध आहेत, असे टॉम कूपर यांनी म्हटले आहे.

टॉम कूपर यांनी सिंधू पाणी करार स्थगित करण्यावरही भाष्य केले आहे. ते म्हणाले की भारताने पाणी थांबवले आणि पाकिस्तान काहीही करू शकला नाही. तर ही त्याच्यासाठी 'रेड लाइन' होती. पाकिस्तानने काहीही शिकले नाही आणि भारताने त्याच्या धमक्यांना गांभीर्याने घेणे बंद केले आहे, हेही त्याला समजले नाही. याशिवाय भारताने पाकिस्तानमधील रावळपिंडी आणि कराचीसारख्या महत्त्वाच्या शहरांमधील एचक्यू-९ हवाई सुरक्षा प्रणालीही उद्ध्वस्त केली आणि अखेरीस पाकिस्तान बॅकफुटवर आला आणि त्याला स्वतः भारताशी बोलून शस्त्रसंधीची मागणी करावी लागली. टॉम कूपर यांच्या वृत्तांकनाने पाकिस्तानचे दावे आणि जमिनीवरील सत्य यांच्यातील फरक संपूर्ण जगासमोर उघड केला आहे.